deu hsb dsb

7. wobzamknjenje: Narok zastupnistwa

ID: W-01-0007_2018-11-17
Bearbeitungsstand: 30.06.2019 18:44
titul: Narok zastupnistwa
čisło: 7
namjet: Narok zastupnistwa

Serbski lud, kotryž dotal njeje měł žane swójske powšitkowne ludowe zastupjerstwo, bu prěni raz a na zakładźe prawnostatnych zasadow namołwjeny k bjezposrědnim, swobodnym a tajnym wólbam swójskeho ludoweho zastupjerstwa.

Dźensa skonsttuwuje so woleny parlament, Serbski sejm. Z tym smy činili wuznamny krok za wotstronjenje demokratskeho bracha, so bychmy spokojeli wažnu zakładnu potrjebu našeho luda.

My připóznajemy dotalne wukony Domowiny – Zwjazka Łužiskich Serbow z. t. při zwoprawdźenju zajimow serbskeho luda w ramiku jeje strukturelnych móžnosćow a poskićimy ruku k płódnemu zhromadnemu dźěłu na dobro našeho luda.