Serbski sejm dokumenty

Zazběh posedźenja: 11:00
Wobjedowa přestawka: 13:00 – 13:30
Kofejpiće: 15:30 – 16:00
Posedźenski kónc: 18:00

1. Zahajenje / postajenje posedźenskeho wjednistwa a protokola
2. Dowolnosć zwukowych a wobrazowych nahrawanjow / widejowy a awdijowy stream
3. Poskitk rozmołwow za hosći
4. Zwěsćenje přitomnosće zapósłancow a wobzamknjenjakmanosće
5. Wobzamknjenje dnjoweho porjada
6. Termin a městnosć přichodne posedźenje
7. Wobwodne wobzamknjenja
   • Pokiw: Tutón TOP słuži jenož informaciji k wotzamknjenym wobběhowym wobzamknjenjam.
   • Informaciska tura po Łužicy
     • wobzamknyli ze 16 / 0 / 0 / 0
8. Próstwy
   1. Rjadowanje poměra mjez Serbskim sejmom a podpěrowacymi organizacijemi
   2. Stejišćo k móžnemu zawrjenju Muzeja zapadneje Łužicy
   3. Stawizny Łužicy njesmědźa k dispoziciji być
9. Rěčna hodźina techniki
10. Rozprawy
    1. Rěčnicy·ki
    2. Społnomócnjena za financy
    3. Wuběrk zjawnosć
    4. Wuběrk hospodarstwo
    5. Wuběrk wustawa-prawo
    6. Wuběrk kubłanje
    7. Wuběrk kultura
    8. Wuběrk wonkowne
    9. Wuběrk workshop
    10. Wuběrk IT
    11. Wólbny wuběrk
11. Dalši

Serbski sejm prosy Smy z. t., přihot a přewjedźenje informaciskeje tury po Łužicy podpěrać a zhromadnje ze zajimowanymi zapósłancami Serbskeho sejma kaž tež dalšimi wobdźělenymi doprědka přinjesć.

Serbski sejm prosy Smy z. t., přihot a přewjedźenje informaciskeje tury po Łužicy podpěrać a zhromadnje ze zajimowanymi zapósłancami Serbskeho sejma kaž tež dalšimi wobdźělenymi doprědka přinjesć.

Wopodstatnjenje: (nic dźěl próstwy)

Z informaciskej turu po Łužicy ma so Serbski sejm sylnišo na městnje widźomny a ludźom bjezposrědnje narěčomny stać.┊ Format ma móžnosće stworić, wo dźěle a zaměrach Serbskeho sejma informować a z wobydlerkami a wobydlerjemi do rozmołwy přińć.┊ Tuta próstwa wobmjezuje so wuraznje na próstwu wo podpěru a ma z tym přichodne trěbne organizatoriske a planowanske wothłosowanja zmóžnić.

Organizacije, kotrež Serbski sejm trajnje financielnje, z wěcnymi wukonami abo dźěłowym časom podpěruja, dyrbja móžnosće wutworić, zo Serbski sejm wo wašnju podpěry sam rozsudźi. Přez to ma so demokratiska legitimacija podpěry zawěsćić a njewotwisnosć Serbskeho sejma zachować.

Wopodstatnjenje (nic dźěl próstwy):

Dźěło Serbskeho sejma so hižo wjele lět přez třećich podpěruje, na přikład přez w Njebjelčicach zasydleny Smy z.t. Zo bychu tajku podpěru kóždy čas – potajkim tež přez wjacore legislaturne periody Serbskeho sejma – na woli wotpowědnje wolenych zapósłančow zakótwić móhli, dyrbja trajnje podpěrace organizacije kmane organy wutworić. To móže na přikład přirada być, kotraž je z delegatkami Serbskeho sejma wobsadźena a z kotrejž ma organizacija přezjednje rozsudźić.

Dalše postupowanje (nic dźěl próstwy):

W konkretnym padźe Smy z.t. prosy Serbski sejm towarstwo, swoje wustawki tak změnić, zo je přirada jako organ towarstwa definowana. Předsydstwo dyrbi wo wšitkich aktiwitach, kotrež Serbski sejm nastupaja, přezjednje z přiradu rozsudźić. Přirada ma so přez Serbski sejm po jeho kriterijach wobsadźić.

Budyski krajnoradny zarjad chce docpěć, zo wokrjes kónc 2027 nošerstwo Muzeja zapadneje Łužicy spušći. Kak ma so muzej dale wjesć, njeje wujasnjene.

Serbski sejm dopomina na to, zo je połojca wobydlerstwa wokrjesa w serbskim sydlenskim rumje žiwa a zo ma wokrjes tohodla wosebitu zamołwitosć za muzealne přeslědźenje, archiwowanje a prezentaciju eksponatow, kotrež ze serbskej kulturu we Łužicy zwisuja. W Muzeju zapadneje Łužicy eksistowaca kompetenca na tutym polu je njenarunajomna a za serbski lud esencielny wuznam. Serbski sejm sej wot Budyskeho wokrjesa žada, zo je do změny nošerstwa bjezporočne a dospołne wobhospodarjenje muzeja w zjawnych rukach zawěsćene. Nošerstwo smě so jenož znutřka zjawneje ruki měnjeć.

Wopodstatnjenje (nic dźěl próstwy):

Budyski wokrjes je nošer serbskeho muzeja w Budyšinje kaž tež Muzeja zapadneje Łužicy w Kamjencu. Za serbski lud matej wobaj muzejej najwyši wuznam. W Kamjencu maja fachowu kompetencu a eksponaty, kotrež tak w Budyšinje k dispoziciji njejsu, a nawopak. Na přikład zaběra so Kamjenc sylnišo z archeologiskimi namakankami serbskich zažnych stawiznow a ze zwiskami pućowanjow a wobsydlenjow.

Dołhodobnje dyrbi serbski lud kontrolu a sobupostajowanje nad muzejemi w sydlenskim rumje dóstać, kotrež so ze serbskimi stawiznami zaběraja. K tomu słušeja tež trěbne srědki. Hač do toho dyrbi so zjawna ruka wo wobhospodarjenje muzejow starać. Tole móže na komunalnej, krajnej abo zwjazkowej runinje organizowane być. Serbski lud dyrbi w tutym přechodnym času soburěčenje při wobhospodarjenju muzejow dóstać. Na žadyn pad njesmě bjez přihłosowanja serbskeho ludu k přeměstnjenju, předani abo samo zhubjenju eksponatow dóńć. Fachowa wěda sobudźěłaćerjow dyrbi so zachować a rozšěrić, za to dyrbja trěbne městna financować.

Serbski sejm namołwja Budyski wokrjes, zhromadnje z městom Kamjencom, spěchowanskim towarstwom, wjednistwom muzeja a wědomostnymi zarjadnišćemi regiona nošne rozrisanje za dołhodobne zachowanje Muzeja zapadneje Łužicy w Kamjencu wuwiwać. Serbski sejm ma nimo toho za trěbne, serbsku stronu na wuradźowanjach wobdźělić. Słowjanske zažne stawizny słušeja k historiskim zakładam Łužicy a zasłuža sej přiměrjene zjawne posrědkowanje.

Wopodstatnjenje

Muzej zapadneje Łužicy w Kamjencu njechowa a njeposrědkuje jenož přirodne a kulturne stawizny regiona. Jeho archeologiske zběrki a jeho wědomostne dźěło su tež za zrozumjenje słowjanskeho wobsydlenja Łužicy a historiskich wuměnjenjow serbskich stawiznow wuznamne.
Přichod muzeja njeje tuž jeničce prašenje komunalneho hospodarskeho planowanja. Wona potrjechi tež zachowanje a zjawne posrědkowanje historiskeho herbstwa Łužicy.
Serbski sejm namołwja Budyski wokrjes, zhromadnje z městom Kamjencom, spěchowanskim towarstwom, wjednistwom muzeja a wědomostnymi zarjadnišćemi regiona nošne rozrisanje za dołhodobne zachowanje muzeja wuwiwać. Před rozsudom wo nadawku nošerstwa dyrbja so woprawdźite kóšty, móžne alternatiwy a sćěhi za zběrki, slědźenje a kubłanske dźěło transparentnje pruwować.
Serbski sejm ma nimo toho za trěbne, serbsku stronu na wuradźowanjach wobdźělić. Słowjanske zažne stawizny słušeja k historiskim zakładam Łužicy a zasłuža sej přiměrjene zjawne posrědkowanje.
Žadamy sej tuž, rozsud wo přichodźe nošerstwa rozmyslować a nic doprědka brać, ale wotewrjeny dialog wo trajnym zachowanju muzeja zahajić.

Budyski wokrjes rozwažuje, nošerstwo kónc 2027 spušćić. Dokelž wuradźowanja wo přichodźe muzeja předleža, tłóči čas.

Muzej zachowa a posrědkuje přirodne a kulturne stawizny regiona. Jeho archeologiske zběrki a jeho wědomostne dźěło su zdobom wuznamne za zrozumjenje słowjanskeho wobsydlenja Łužicy a historiskich zakładow serbskich stawiznow.
Přichod muzeja je tuž wjace hač prašenje komunalneho hospodarskeho planowanja. Dźe tež wo to, hač hodźi so historiske herbstwo Łužicy dale wědomostnje přeslědźić, zachować a zjawnje posrědkować.

Serbski sejm chce Budyski wokrjes namołwjeć, zhromadnje z městom Kamjencom, spěchowanskim towarstwom, wjednistwom muzeja a wědomostnymi zarjadnišćemi nošne rozrisanje za dołhodobne zachowanje muzeja namakać. Prjedy hač so wo nadawku nošerstwa rozsudźi, dyrbja so woprawdźite kóšty, móžne alternatiwy a sćěhi za zběrki, slědźenje a kubłanske dźěło transparentnje pruwować.

Tež serbska strona ma so na wuradźowanjach wobdźělić. Słowjanske zažne stawizny słušeja k historiskim zakładam Łužicy. Jich přeslědźenje a posrědkowanje stej tež za zrozumjenje serbskich stawiznow a identity wuznamnej.
Ze swojej planowanej protestnej znamku chce Serbski sejm na to skutkować, zo rozsud wo přichodźe muzeja doprědka njebjeru. Město toho je trěbny wotewrjeny dialog wo nošnych rozrisanjach, zo by so Muzej zapadneje Łužicy jako městno zachowanja, přeslědźenja a posrědkowanja stawiznow regiona zachował.