Wuběrk Regionalnego wuwijanja (dokradnjej jogo cłonka Günther Thiele a Christoph Haensel) dostanjo nadawk pšawo Sejma na wobźělenje na wugótowanju pśikładow za pśichod Łužyce pśizjawiś, a na toś tych pśikładach sobu źěłaś a pśi tom zajmy serbskego ludu na zgromadnem žywjenju we Łužycy doprědka spóraś.
Serbski sejm jo zastupił oficielnje do Wobydlaŕskego regiona Łužyce, jadneje seśi aktiwnych ciwilnotowarišnostnych institucijow. Cel zgromadnego źěła wšyknych łužyskich wobydlarjow k zastupjenju wobydlaŕskich iniciatiwow w zmysle sobupóstajowanja buźo se pódpěraś.