My, wótpósłańce prědnego serbskego parlamenta, Serbskego sejma, nošone wót lubosći a zagronitosći za naš serbski lud, wuznawamy se źinsa, na dnju konsttuěrujuceje zgromaźiny Serbskego sejma k slědujucym zakładam, na kótarež comy našu pśiducu źěłabnosć wusměriś.
- Wuznawamy se k lichotnemu demokratskemu zakładnemu pórědoju a tam wustajonym gódnotam cłowjecneje dostojnosći, demokratje a pšawniskeje statnosći.
- Wuznawamy se wustawje Zwězkoweje republiki Nimskeje a wustawoma zwězkoweju krajowu Sakskeje a Bramborskeje.
- Wuznawamy se principoma samopóstajenja a swójskeje zagronitosći. Ako wólone wótpósłańce wugbajomy našo pšawo na samopóstajenje a swójsku zagronitosć.
- Wuznawamy se wótwórjonosći, zgromadnemu źěłu a zapśimjeśeju wšyknych demokratskich mócow w našom procowanju, identtu a pšawa serbskego luda zachowaś a dalej wutwarjeś.
- Wuznawamy se serbskej rěcy ako nosujucy element narodneje identty a kultury serbskego luda. Serbskej rěcy stej źěłowej rěcy Serbskego sejma.
- Wuznawamy se rownopšawosći a rownogódnosći wšych cłowjekow, njeglědajucy starstwo, rod, politske abo nabóžne wuznaśe. Wuznawamy se wósebnje rownopšawosći wšych Serbow w Górnej a Dolnej Łužycy kaž tež zwenka njeju. Jadnota Serbow njeglědajucy teritorialne a wopśimjeśowe granice, pšuźenja a
naglědy jo wurazna nastupnosć Serbskego sejma. - Wótpokazujomy kuždu formu namócy a gramoty. Wuznawamy se lichotnemu a njewótwisnemu zwuraznjenju měnjenja a cesćownemu a wěcownemu wobchadoju mjazy sobu.