Přinoški hosći:
Hanka Jenčec:
Dramaturgowka NSLDŽ, kotraž skutkuje tam 3 měsacy, njeje zastupjerka intendanta
najwjetši problem je dorost w instituciji serbskeho dźiwadła – technika, zarjadnistwo ale wězo tež dźiwadźelnikow, serbsko-rěčny dźiwadłowy pedagoga pobrachuje. Serbska substanca dźiwadła je so we zašłych lětach pozhubiła. Wukubłanske městna – 3 za dźiwadźelnikow, 1 masku, 1 blidarstwo. Diskusija wo integraciji serbskich institucijow do serbskeje towaršnosće.
Nuznje trěbny je natwar rěčnych kmanosćow w serbskich institucijach, wutwar a financowanje iniciatiwow kaž Zari. Njeje žaneje serbskeje infrastruktury w dźiwadle, wosebje w personalnym wotrjedźe. Mamy tu zasadny politiski a strukturny problem. Próstwa wo zarjadowanju wosebiteho fondsa za zasadźenje swobodnych dźiwadźelnikow a dalšich sobuskutkowacych, kaž suflezow abo přełožowarjow.
Andrea Pawlikowa:
Rěčny staw jara dobry na muzeju. Dźiwa so jara na dwurěčnosć. Muzejowa pedagogowka jara derje skutkowna. Kwalita serbsko-rěčnych kmanosćow zasadnje woteběra. Muzej ma 13 přistajenych. Wulke prašaki nastupajo financowanje Serbskeho muzeja, wosebje tež nastupajo nowotwar muzeja w Lawskim arealu. Rozpad lajskeho muzejownistwa we Łužicy. Pobrachuje financowanje lajskeje muzejoweje syće. Załožba za serbski lud so we wokomiku wo to njestara. Konkurenca a paralelne struktury mjez muzejom a Załožbu, kotraž wuměłstwo nakupuje a z tym muzej wosłabja. Zasadne strukturne prašenje wo nošerstwu serbskich institucijow – budźe wokrjes Budyšin dale skutkowny nošer serbskich institucijow a w kotrym wobłuku budu pjenježne srědki dale přistupne.
Wuradźowanje Sejma:
Wuběrk stat a prawo: Hajko Kozel ke stawej statneho zrěčenja. Wobdźěłanje 400 komentarow. Dalewjedźenje statneho zrěčenja z pomocu mjezynarodnych ekspertow a z pomocu krajneje centrale za politiske kubłanje. We wokomiku pak politiskeje situacije dla krajna centrala za politiske kubłanje podpěrać njemóže.
Namjet: Předstajenje a informacija kandidatow we wšelakich dźělach Łužicy, předstajenje statneho zrěčenja a jeje zasadnych temow. Přeprošenje Domowiny na diskusiju a dialog k statnemu zrěčenju.
Wuběrk kultura: Wozrodźenje kulturneho wuběrka pod nawodom Anety Zahrodnikoweje z ćežišćom trěbnych strukturow. Benedikt Dyrlich a Alfons Wičaz přilubja podpěru a sobudźěło. Zapřijeće dalšich zajimcow. Aktiwne přeprošenje serbskich kulturnych institucijow na zetkanja.
Regionalny koncept: Hanzo Wylem Kjeł njemóže so wobdźělić a budźe koncept k přichodnej składnosći předstajić.
Nominacija za kandidaturu do Serbskeje rady za Sakski sejm:
Připósłanje oficialneho pisma na prezidenta Sakskeho sejma a na frakcije stronow we Sakskim sejmje. Organizacija podpěry we stronach, kotrež su w Sakskim sejmje zastupjeni (CDU, SPD, BSW).
Mjezystaw k wólbam do Serbskeho sejma:
Tuchwilu nimale 24 kandidatow. Dalši kandidaća a kandidatki su trěbne. Nominacija kandidatow přez Smy, dnja 22.11.2024. Dalše flajery w Serbskich nowinach a Nowym Casniku.
Sofija Cyžec budźe kampanju w socialnych medijach podpěrać. Wobdźělnicy to podpěraja a hišće raz wobkruća.
Aneta Zahrodnikowa rozprawja wo finančnym połoženju a dalšich móžnosćach mobilizowanja darow za financowanje wólbow. Dochody finančnych srědkow so derje wuwiwa.
Serbski sejm dokumenty