Serbski sejm dokumenty

1. Zahajenje přez starobnostnu presidentku Edith Pjeńkowu
   • Zahajenje prěnjeho posedźenja prěnjeho Serbskeho sejma.
   • Naspomnjenje, zo so njeje wšitko cyle tak poradźiło, kaž smy sej to předstajili, tola smy sej wědomi, zo kóždy spočatk ćežki je, a zo budźa so wěcy w přichodźe lěpje poradźić..
2. Wothłósowanje předsydstwa posedźenja a starobnostnej presidentki
   • Wotpowědujo směrnicam zakładnehozakonja Zwjazkoweje republiki Němskeje přewza starobnostna presidentka Edith Pjeńkowa z přihłosowanjom přitomnych zapósłancow předsydstwo posedźenja.
   • Namjet so jednohłósnje přiwza.
3. Wothłósowanje pismawjednika
   • Jako pismawjednik so dobrowólnje namjetuje: Alexander Pólk.
   • Namjet so jednohłósnje přiwza.
4. Zwěsćenje přitomnosće (hlej horjeka)
5. Diskusija a wobzamknjenje: Dnjowy porjad
   • Namjet zapoda: Tomaš Čornak.
   • hlej dokument: „181117_1 Dnjowy pósejźenje _ porjad – Tagesordnung“
   • Namjet so jednohłósnje přiwza.
6. Diskusija a wobzamknjenje: pochwilny jednanski projad
   • Namjet zapoda: Alexander Pólk (zastupjejo Jana Kosyka)
   • hlej dokument: „181117_2 Jednanski pósejźenje – porjad – vorläufige Geschäftsordnung„
   • Hłowne wobsahowe dypki so předčitaja.
   • Namjet so jednohłósnje přiwza.
7. Diskusija a wothłosowanje wo mjeno „Serbski sejm“
   • Edith Pjenkowa zahaji diskusiju wo mjeno „Serbski sejm“. W zašłosći jewješe so wospjet měnjenje, zo mjeno „Serbski sejm“ njeje přiměrjene, dokelž
     njejedna so wo połnohódny parlament/sejm.
   • Edith Pjenkowa argumentuje, mjeno „Serbski sejm“ dale zdźeržeć, dokelž je so tute mjeno přez lěta etablěrowało a dokelž je so naposledk pod tutym mjenom wólba přewjedła.
   • Přispomnjenje wot Alexandera Pólka: Tež, hdyž Pólk mjeno akceptuje, naspomni, zo je Serbski sejm faktisce hišće w procesu natwara. Tohodla je znapřećiwjenje, zo „Serbski sejm“ jedne zamylace mjeno je, plawzibelne. Tohodla je wažne wobstajnje wobmyslić, zo puć k wutworjenju statusa dospołneho
     parlamenta hišće dawno dokročeny njeje.
   • Namjet mjeno „Serbski sejm“ dale zdźeržeć so jednohłósnje přiwza.
8. Diskusija: Postupowanje při wutworjenju wuběrkow, zasadźenje dźěłoweje skupiny “Jednanski porjad”
   • Słowa so jima Měrćin Krawc.: 2. posedźenje Serbskeho sejma měhło so hłownje z wutworjenjom wuběrkow zaběrać. Wšitcy Serbja su wuraznje přeprošeni tomu přinošować. Prěnje namjety za móžne wuběrki:
     • wudźěłanje wustawy
     • organizacija přichodnych wólbow
     • realiszacija kulturneje awtonomije
     • realizacija kubłanskeje awtonomije
     • „politka a prawo“ – docpěće statusa korporacije
     • wuběrk za jednanja ze zarjadami a partnerami
     • regionalne sobupostajowanje
     • financy – prěnjotny nadawk: kóšty wólby narunać; na tutym městnje so wurazny dźak na knjeza W. Měškanka wupraji.
     • zjawnostne dźěło
     • byrgarska participacija
     • změrcowski wuběrk
     • Namjety za dlaše wuběrki su witane.
   • Alexander Pólk zapoda (zastupjejo Jana Kosyka) namjet wo zasadźenje dźěłoweje skupiny “Jednanski porjad”.
     • hlej dokument: „181117_8 Arbeitsgruppe Geschäftsordnung„
     • Jako čłonojo za dźěłowu skupinu so namjetuja: Christoph Haensel, Jan Kosyk, Hajko Kozel, Alexander Pólk, Hanzo Wylem-Keł
     • Namjet so přiwza, jedyn zapósłanc so hłosa zda.
9. Diskusija a wobzamknjenje: komisariski narěčenski partner
   • Jako komisariska narěčenska partnerka za medije so starobnostna prezidentka Edith Pjenkowa sama namjetuje. Namjet so jednohłósnje přiwza.
10. Diskusije a wobzamknjenja: poselstwa
    • Tomaš Wornar předstaji manifest Serbskeho sejma; hlej dokument: „181117_3 Manifest Serbskeho sejma“
      Manifest so jednohłósnje přiwza.
    • Hanzo Wylem-Keł předčita Poselstwo měra z pjera Uda Nikuša; hlej dokument: „181117_4 Poselstwo měra – Friedensbotschaft“
      Poselstwo měra so jednohłósnje přiwza.
    • Tomaš Čornak zapoda namjet wo Narok zastupnistwa Serbskeho sejma; hlej dokument: „181117_5 Narok zastupnistwa – Vertretungsansanspruch„.
      Namjet so jednohłósnje přiwza.
11. Diskusija a wobzamknjenje: termin přichodneho posedźenja Serbskeho sejma
    • Handrij Wjeńk předčita jednanski namjet Jana Kosyka. Tola njepředčitaja so wšitke tři terminowe namjety, ale jeničce namjet za 15.12.2018, 13:00 hodź.
    • Přispomnjenje Carole Geppertoweje: na tutym dnju njemóže so wobdźělić.
    • Wuslědk wothłosowanja: 15 přihłosowanja, 0 napřečiwne, 4 so hłósa zdadźa.
    • Namjet I za pomjenowany termin so přiwza. [Dodaće pismawjednika: po móžnosći by so dyrbjało znowa wothłosować, tutón raz z pomjenowanjom wšitkich třoch terminow.]
    • Přispomnjenje Christopha Haensela: Je radźomne, dospołny plan posedźenjow za lěto 2019 zwoprědka přihotować, zo by so terminowe planowanje zapósłancow zjednoriło. Při tym měhli tež wobmyslić, hač njebychu so posedźenja hnydom jako dwudnjowske zarjadowanja přewjedli.
12. Zakónčace słowa
    • Předsydka posedźenja Edith Pjenkowa wupraji dźak na přitomnych a podpěraćelow Serbskeho sejma w zašłych měsacach. Serbski lud njemóže hižo dlěje dočakać, tuta generacija je posledna, kiž móže połoženje Serbskeho ludu zasadnje polěpšić.

1. Eröffnung durch Alterspräsidentin
2. Bestätigung/Wahl der Sitzungsleitung und der Alterspräsidentin
3. Wahl eines Schriftführers
4. Festellung der Anwesenheit
5. Diskussion und Beschluss: Tagesordnung
6. Diskussion und Beschluss: Vorläufige Geschäftsordnung
7. Diskussion und Beschluss: Eigenbezeichnung „Serbski Sejm“
8. Diskussion: Verfahrensweise zur Bildung von Ausschüssen, Beauftragung / Arbeitsgruppe “Geschäftsordnung“
9. Diskussion und Beschluss: Kommissarischer Ansprechpartner
10. Diskussionen und Beschlüsse: Botschaften
    1. Manifest des Serbski Sejm
    2. Friedensbotschaft
    3. Vertretungsanspruch
11. Diskussion und Beschluss: Termin und Einberufung der nächsten Sitzung des Serbski Sejm
12. Schlussworte

Tutón jednanski porjad twori nachwilny zakład za posedźenja Serbskeho sejma. Wón nasta we wědomju, zo njewobsteja dotal žadyn porjad ani wustawki. Dale wuchada tónle jednanski porjad z pozitiwneho předsudka zapósłancow a z přeća wo poradźenej komunikaciji. Na wužiwanje rěče, kotraž wužiwa wobroty wobeju splahow, so do dalokeje měry dźiwa. W tekstowych wotrězkach, kotrež tomu njewotpowjeduja, płaća formulacije njedziwajcy to za wobaj splahaj.

1. Posedźenje je zjawne. Wšitcy zapósłancy maja prawo na narěče a su woprawnjeni hłosować. Wjednistwo posedźenja móže tež hosćom rěčenske prawo spožčić.
2. Po wotewrjenju posedźenja ma so zwěsćić přitomnosć zapósłancow.
3. Na spočatku posedźenja ma so předstajić dnjowy porjad a maja so wobzamknyć požadanja wo změny. Potom ma so dnjowy porjad wobzamknyć.
4. Wjednistwo posedźenja ma so wolić přez namjetowanje a wothłosowanje ze pozběhnjenjom ruki a z jednorej wjetšinu.
5. Wjednistwo posedźenja zestaji w diskusijach lisćinu diskutantow. Po rjedźe posći so słowo, a za čas debaty so wona běžnje wudospołnja. Płaći prawo prěnjeje rěče.
6. Wo posedźenju ma so spisać protokol. Wjednistwo posedźenja postaji wjedźenje protokola. Protokol orientuje so po wotběhu posedźenja. Protokol ma so po posedźenju wot protokolanta a wot wjednistwa posedźenja podpisać a zjawnosći bjez komdźenja spřistupnić.
   Protokol dyrbi w kóždym padźe zapřijeć:
   1. datum, započatk a kónc posedźenja,
   2. lisćinu přitomnych,
   3. posłowny slěd požadanjow a jich wotpowědny wuslědk,
   4. bytostne měnjenja za požadanje a přećiwo njemu,
   5. słowne přizjewjenja, kotrež so wuraznje do protokola zapisaja.
7. Wuraznje so přeje, wo posedźenju zwukowe a wobrazowe nahrawanja zhotowjeć.
8. Za jasnje wotmjezowany temowy wobłuk móže zhromadźizna na požadanje wuprajić nadawki jednotliwym wosobam. Nadawki, prawa a zawjazki kaž tež časowe wobmjezowanje nadawkow maja so přez wobzamknjenje postajić.
9. Za wěcowne wobstejnosće, wotmjezowany temowy wobłuk abo konkretny nadawk móže zhromadźizna na požadanje wutworić dźěłowe skupiny a jich wjednistwo pomjenować. Zaměr dźěłoweje skupiny je wudźěłanje požadanjow za zhromadźiznu. Sobudźěło w dźěłowej skupinje njeje wobmjezowane.
10. Požadanja maja so pisomnje do posedźenja zapodać na kandidatojo@serbski-sejm.de. Wone dyrbja měć mjeno/a požadarja/ow, předmjet požadanja a je-li trjeba tež wobkrućenje.
11. Požadanja wo změnu změnjeja požadanja w swojej wěcy abo we wuhotowanju. Požadanja wo změnu zapodadźa so wjednistwu posedźenja pisomnje. Wo nje so rozsudźi před hłownym požadanjom. Wotpowědnje temu kaž zhromadźizna požadanym změnam přihłosuje abo wone so wot hłowneho požadarja přewzaja, poda so hłowne požadanje w poprawjenym wobdźěłanju k wobzamknjenju.
12. Wšitke požadanja trjebaja za wobzamknjenje absolutnu wjetšinu zapósłancow. Wšitcy zapósłancy maja prawo, zapodać znapřećiwjenje.
13. Wólby za dawanje nadawkow přewjedu so přez zběhnjenje ruki a trjebaja za płaćiwosć absolutnu wjetšinu zapósłancow. Wšitcy zapósłancy maja prawo na znapřećiwjenje.

Namjet mjeno „Serbski sejm“ dale zdźeržeć so jednohłósnje přiwza.

Serbski sejm zwoła ​dźěłowu skupinu Jednanski porjad​, kiž ma wudźěłać a při přichodnym posedźenju předpołožić jednanski porjad. Jednanski porjad ma postajeć zakłady za dźěławosć Serbskeho sejma, wopřijeć strukturne směrnicy za jednanje a na tute wašnje zmóžnić wobsahowe dźěło.

Jako čłony so slědowacy zapósłancy namjetuja:

• Christoph Haensel
• Jan Kosyk
• Hajko Kozel
• Alexander Pólk
• Hanzo Wylem-Keł

Jako komisariska narěčenska partnerka za medije so starobnostna prezidentka Edith Pjenkowa sama namjetuje. Namjet so jednohłósnje přiwza.

Die nächsten Sitzung des Serbski Sejm findet am Samstag, den 15.12.2018, um 13:00 Uhr statt.

Tutón jednanski porjad twori nachwilny zakład za posedźenja Serbskeho sejma. Wón nasta we wědomju, zo njewobsteja dotal žadyn porjad ani wustawki. Dale wuchada tónle jednanski porjad z pozitiwneho předsudka zapósłancow a z přeća wo poradźenej komunikaciji. Na wužiwanje rěče, kotraž wužiwa wobroty wobeju splahow, so do dalokeje měry dźiwa. W tekstowych wotrězkach, kotrež tomu njewotpowjeduja, płaća formulacije njedziwajcy to za wobaj splahaj.

1. 1. Posedźenje je zjawne. Wšitcy zapósłancy maja prawo na narěče a su woprawnjeni hłosować. Wjednistwo posedźenja móže tež hosćom rěčenske prawo spožčić.
   2. Po wotewrjenju posedźenja ma so zwěsćić přitomnosć zapósłancow.
   3. Na spočatku posedźenja ma so předstajić dnjowy porjad a maja so wobzamknyć požadanja wo změny. Potom ma so dnjowy porjad wobzamknyć.
   4. Wjednistwo posedźenja ma so wolić přez namjetowanje a wothłosowanje ze pozběhnjenjom ruki a z jednorej wjetšinu.
   5. Wjednistwo posedźenja zestaji w diskusijach lisćinu diskutantow. Po rjedźe posći so słowo, a za čas debaty so wona běžnje wudospołnja. Płaći prawo prěnjeje rěče.
   6. Wo posedźenju ma so spisać protokol. Wjednistwo posedźenja postaji wjedźenje protokola. Protokol orientuje so po wotběhu posedźenja. Protokol ma so po posedźenju wot protokolanta a wot wjednistwa posedźenja podpisać a zjawnosći bjez komdźenja spřistupnić.
      Protokol dyrbi w kóždym padźe zapřijeć:
      1. datum, započatk a kónc posedźenja,
      2. lisćinu přitomnych,
      3. posłowny slěd požadanjow a jich wotpowědny wuslědk,
      4. bytostne měnjenja za požadanje a přećiwo njemu,
      5. słowne přizjewjenja, kotrež so wuraznje do protokola zapisaja.
   7. Wuraznje so přeje, wo posedźenju zwukowe a wobrazowe nahrawanja zhotowjeć.
   8. Za jasnje wotmjezowany temowy wobłuk móže zhromadźizna na požadanje wuprajić nadawki jednotliwym wosobam. Nadawki, prawa a zawjazki kaž tež časowe wobmjezowanje nadawkow maja so přez wobzamknjenje postajić.

1. Za wěcowne wobstejnosće, wotmjezowany temowy wobłuk abo konkretny nadawk móže zhromadźizna na požadanje wutworić dźěłowe skupiny a jich wjednistwo pomjenować. Zaměr dźěłoweje skupiny je wudźěłanje požadanjow za zhromadźiznu. Sobudźěło w dźěłowej skupinje njeje wobmjezowane.
2. Požadanja maja so pisomnje do posedźenja zapodać na kandidatojo@serbski-sejm.de. Wone dyrbja měć mjeno/a požadarja/ow, předmjet požadanja a je-li trjeba tež wobkrućenje.
3. Požadanja wo změnu změnjeja požadanja w swojej wěcy abo we wuhotowanju. Požadanja wo změnu zapodadźa so wjednistwu posedźenja pisomnje. Wo nje so rozsudźi před hłownym požadanjom. Wotpowědnje temu kaž zhromadźizna požadanym změnam přihłosuje abo wone so wot hłowneho požadarja přewzaja, poda so hłowne požadanje w poprawjenym wobdźěłanju k wobzamknjenju.
4. Wšitke požadanja trjebaja za wobzamknjenje absolutnu wjetšinu zapósłancow. Wšitcy zapósłancy maja prawo, zapodać znapřećiwjenje.
5. Wólby za dawanje nadawkow přewjedu so přez zběhnjenje ruki a trjebaja za płaćiwosć absolutnu wjetšinu zapósłancow. Wšitcy zapósłancy maja prawo na znapřećiwjenje.

Serbski sejm zwoła ​dźěłowu skupinu Jednanski porjad​, kiž ma wudźěłać a při přichodnym posedźenju předpołožić jednanski porjad. Jednanski porjad ma postajeć zakłady za dźěławosć Serbskeho sejma, wopřijeć strukturne směrnicy za jednanje a na tute wašnje zmóžnić wobsahowe dźěło.

Jako čłony so slědowacy zapósłancy namjetuja:

• Dr. Měrćin Krawc
• Hajko Kozel
• Hanzo Wylem-Keł
• Christoph Haensel
• Jan Kosyk

My, zapósłancy prěnjeho Serbskeho parlamenta, Serbskeho sejma, nošeni wot lubosće a zamołwitosće za naš Serbski lud, wuznawamy so dźensa, na dnju konsttuowaceje zhromadźizny Serbskeho sejma k slědowacym zakładam, na kotrychž chcemy našu přichodnu dźěławosć wusměrić.

1. Wuznawamy so swobodniwemu demokratskemu zakładnemu porjadej a tam zakótwjenym hódnotam čłowječeje dostojnosće, demokratje a prawnostatnosće.
2. Wuznawamy so wustawje Zwjazkoweje Republiki Němskeje a wustawomaj zwjazkoweju krajow Sakskeje a Braniborskeje.
3. Wuznawamy so principomaj samopostajenja a swójskeje zamołwitosće. Jako woleni zapósłancy wukonjamy naše prawo na samopostajenje a swójsku zamołwitosć.
4. Wuznawamy so wotewrjenosći, zhromadnemu dźěłu a zapřijeću wšitkich demokratskich mocow w našim prócowanju, identtu a prawa Serbskeho ludu zdźeržeć a dale wutwarjeć.
5. Wuznawamy so Serbskej rěči jako nošacy element narodneje identty a kultury Serbskeho ludu. Hornjoserbska a Delnjoserbska stej dźěłowej rěči Serbskeho sejma.
6. Wuznawamy so runoprawosći a runohódnosći wšěch čłowjekow, njehladajo starobu, splah, politske abo nabožne wuznaće. Wuznawamy so wosebje runoprawosći wšěch Serbow w Hornjej a Delnjej Łužicy kaž tež zwonka njeju. Jednota Serbow njehladajo teritorialne a wobsahowe hranicy, prudźenja a nahlady je wurazna naležnosć Serbskeho sejma.
7. Zacpěwamy kóždu formu namocy a hidy. Wuznawamy so swobodnemu a njewotwisnemu zwuraznjenju měnjena a česćownym a wěcownym wobchadej mjez sobu.

My, serbski lud, Łužiscy Słowjenjo, zwuraznjamy našu njepowalnu wolu k nutřkownemu a wonkownemu měrej:

• Wšitkich Serbow namołwjamy, so zjednoćić w našej wjelorakosći.
• Našim łužiskim krajownikam němskeje a druheje narodnosći a staćanam Zwjazkoweje republiki Němskeje posrědkujemy přeće, w přećelstwje a mjezsobnym respekće w na šim zhromadnym kraju zhromadnje žiwi być.
• Za měr w Europje chcemy być móst mjez wuchodom a zapadom a měr tworjacy skutkować napřećo wšitkim narodam swěta.

Serbski lud, kotryž dotal njeje měł žane swójske powšitkowne ludowe zastupjerstwo, bu prěni raz a na zakładźe prawnostatnych zasadow namołwjeny k bjezposrědnim, swobodnym a tajnym wólbam swójskeho ludoweho zastupjerstwa.

Dźensa skonsttuwuje so woleny parlament, Serbski sejm. Z tym smy činili wuznamny krok za wotstronjenje demokratskeho bracha, so bychmy spokojeli wažnu zakładnu potrjebu našeho luda.

My připóznajemy dotalne wukony Domowiny – Zwjazka Łužiskich Serbow z. t. při zwoprawdźenju zajimow serbskeho luda w ramiku jeje strukturelnych móžnosćow a poskićimy ruku k płódnemu zhromadnemu dźěłu na dobro našeho luda.

Verfahrensvorschlag:
Die folgenden Termine haben sich als die herauskristallisiert, die entweder die meisten Zusagen oder die wenigsten Absagen erhalten haben. Die Anträge sind vorzustellen, zu diskutieren und dann nacheinander abzustimmen. Der Antrag mit den meisten Stimmen enthält das Datum für die nächste Sitzung.
Es ist möglich, ein anderes Datum durch Änderungsantrag festzulegen, falls sich das in der Diskussion ergibt.
Die Uhrzeit lässt sich durch Änderungsantrag ebenfalls anpassen.
Der Ort ist danach auf Vorschlag der Abgeordneten abzustimmen.

Antrag I
Die nächsten Sitzung des Serbski Sejm findet am Samstag, den 15.12.2018, um 13:00 Uhr statt.

Antrag II
Die nächsten Sitzung des Serbski Sejm findet am Freitag, den 21.12.2018, um 17:00 Uhr statt.
Anmerkung des Antragstellers: An diesem Termin bin ich beruflich verhindert.

Antrag III
Die nächsten Sitzung des Serbski Sejm findet am Samstag, den 05.01.2019, um 13:00 Uhr statt.